മലയാളത്തിന്റെ പ്രിയ കവി ഒ.എന്‍. വി കുറുപ്പിന് രാഷ്ട്രത്തിന്റെ രണ്ടാമത്തെ പരമോന്നതബഹുമതിയായ
പത്മവിഭൂഷന്‍.
"ഇനിയും മരിക്കാത്ത ഭൂമി നിന്നാസന്ന
മൃതിയില്‍ നിനക്കാത്മശാന്തി"

എന്നു പാടിയകവിരത്നത്തിന് ആശംസയുടെ നറുമലരുകള്‍

കലോത്സവം

കലാമാമാങ്കത്തിന് സമാപനം

അക്ഷരനഗരിയെ ആനന്ദസാഗരത്തിലാറാടിച്ച ഏഷ്യയിലെ ഏറ്റവും വലിയ മേളയായ കേരളസ്ക്കൂള്‍കലോത്സവം 23/1/2011 ഞായറാഴ്ച സമാപിച്ചു.സാംസ്ക്കാരിക തനിമയുടെ ഈറ്റില്ലമായ കോട്ടയം,സ്ക്കൂള്‍ കലോത്സവത്തെ തങ്ങളുടെ മേളയായി കരുതിയാണ് വരവേറ്റത്. കോട്ടയം പട്ടണത്തിന്റെ ആഭിജാത്യം എവിടെയും പ്രകടമായിരുന്നു.എല്ലാ കലോത്സവ വേദികളിലും തിങ്ങിനിറഞ്ഞ കാണികള്‍ വളരെ ഹൃദ്യമായാണ് കലോത്സവം ആസ്വദിച്ചത്.സമാപനത്തിന് തുടക്കം കുറിച്ചുകൊണ്ട് കുട്ടികള്‍ നടത്തിയസാസ്ക്കാരിക ഘോഷയാത്ര നയന മനോഹരമായിരുന്നു.അടുക്കോടെയും ചിട്ടയോടെയും ഇത്രയും വലിയ മേള സംഘടിപ്പിച്ച ജില്ലാ ഭരണകൂടവും വിദ്യാഭ്യാസവകുപ്പും അദ്ധ്യാപകരും കോട്ടയത്തിന്റെപ്രിയപ്പെട്ട വിദ്യാര്‍ത്ഥികളും പ്രത്യേകം പ്രശംസ അര്‍ഹിക്കുന്നു. 2012-ല്‍ തൃശ്ശുരില്‍ നടക്കുന്ന കലോത്സവത്തിനായി നമുക്ക് കാത്തിരിക്കാം.

ചെറുകഥയിലെ ന്യൂതനാഖ്യാനപ്രവണതകള്‍

എട്ട്, ഒന്‍പത്, പത്ത് ക്ലാസ്സുകളിലെ പാഠപുസ്തകങ്ങളില്‍ ആഖ്യാന
രീതികളിലും, വീക്ഷണത്തിലും വ്യത്യസ്തത പുലര്‍ത്തുന്ന നിരവധി ചെറുകഥകള്‍
ഉള്‍പ്പെടുത്തിയിട്ടുണ്ട്. ചെറുകഥ എന്ന സാഹിത്യരൂപം അതിന്റെ പ്രാരംഭ
ഘട്ടത്തില്‍ നിന്നും പ്രമേയത്തിലും ആഖ്യാന തന്ത്രങ്ങളിലും വൈവിധ്യം
പുലര്‍ത്തി സമകാല ജീവിത സാഹചര്യങ്ങളെ ഉള്‍ക്കൊണ്ട് ഏറെ മാറ്റങ്ങള്‍ക്ക്
വിധേയമായിട്ടുണ്ട്.വൈക്കം സബ് ജില്ലയിലെ അധ്യാപക ശാക്തീകരണ പരിപാടിയില്‍
നടത്തിയ ചെറുകഥാസെമിനാറില്‍ അവതരിപ്പിച്ച പ്രബന്ധമാണ് 'ചെറുകഥയിലെ
ന്യൂതനാഖ്യാനപ്രവണതകള്‍.'
ലേഖനം ഡൌണ്‍ലോഡ്ചെയ്യാന്‍ ഇവിടെ ക്ലിക്ക് ചെയ്യുക

വിശകലനങ്ങളും ചര്‍ച്ചകളും കമന്റ് ബോക്സില്‍ പ്രതീക്ഷിക്കുന്നു.

തയാറാക്കിയത്

ഷംല യു

മലയാളം അധ്യാപിക.

എ.ജെ. ജോണ്‍ മെമ്മോറിയല്‍ ഹയര്‍ സെക്കന്ററി സ്കൂള്‍

തലയോലപ്പറമ്പ്.

പുതുവത്സരാശംസകള്‍